Vragen? +297-524 3100 info@ipaaruba.com

Studiantenan di ultimo aña di IPA cu exposicion di nan proyecto social pa publico

Den cuadro di finalisacion di e estudio pa bira maestro di scol e studiantenan di Instituto Pedagogico Arubano (IPA) di ultimo aña mester haci un investigacion y un proyecto social. E investigacion ta pa nan tesina di finalisacion di estudio (afstudeerproject) y e proyecto social ta na bienestar di un instancia, grupo of comunidad en general. Di e delaster aki nan mester haci un presentacion cu ta forma parti di e examen final. E presentacion lo ta den forma di un exposicion caminda nan ta presenta nan proyecto na e docentenan di IPA, e instancianan y na publico en general. E proyecto social ta hopi importante den cuadro di e desaroyo como docente y “agente social”, esta como persona clave den nos comunidad Arubano cu ta participa y contribui activamente den e desaroyo social y cultural di nos pais. E aña aki nos studiantenan ta presenta varios proyecto y topico interesante cu nan a elabora y traha riba nan conhuntamente cu e instancianan social na Aruba. Algun di e instancianan aki ta entre otro Biblioteca Nacional Aruba, CEDEHM, Dienst Natuur en Milieu, IBISA, Cas Marie, Fundacion Autismo Aruba, The Butterfly Farm, Fundacion pa Hende Muhe den Dificultad, Centro Educacion Creativo, GKMB y Helping Hand Foundation.

Aki nos ta duna un bista di e studiantenan y e topico di nan proyecto social cu nan lo expone:

  • Marelene v/d Linde y Marianyela Alvarez Martinez: "Aprecia e educador" Activiteit community voor bedanken van docenten. CEDEHM
  • Dayene Ras y Jessica Rasmijn: Handleiding met visueel materiaal van planten van Aruba. Dienst Natuur en Milieu
  • Lionel Vrolijk y Adrienne Maduro: Promoveren van sport en gezondheid voor jongeren. IBISA
  • Ludsalyn Croes y Sindy Moreta: Het promoveren van de looproute Miralamar
  • Sirla Breta y Audry Vasquez: Aanpassen van een al bestaand spel voor de Arubaanse Context. Fundacion Autismo Aruba
  • Chantal van Ruiven: Lokale vlinderkaart, enquête en vlindertocht organiseren. The Butterfly Farm
  • Sharilee Christiaans y Nicole Villada: Een tuin ontwerpen en aanleggen voor de cliënten van Cas Marie. Cas Marie
  • Celienne Tromp y Zoya Fisher: Informatie pakket voor ouders en verzorgers van mensen met een geestelijk handicap. Fundacion Sonrisa
  • Marisela Fabus y Raideline Bremo: Een campagne organiseren en uitvoeren voor donaties van ondergoed. Fundacion pa Hende Muhe den Dificultad
  • Silena Geerman y Risa Berg: Centro di Educacion Creativo promoveren en een opendag organiseren en houden. Centro Educacion Creativo
  • Tahira Lopez y Angelica Cabral de Andrade: Kunsttherapie voor de bewoners
  • Ghislaine Vrolijk y Jean Carla Schwengle: Het overbrengen van informatie met betrekking tot vector problematiek in het Arubaanse gemeenschap. GKMB
  • Judith Schnieders: Video maken voor het informeren van de samenleving. Helping Hand Foundation
  • Jurica Tjong y Sue-Ann Solognier: Het ontwikkelen van een website. Helping Hand Foundation.

E exposicion di e proyectonan social ta habri pa publico dialuna dia 12 di juni di 5or di atardi pa 8or di anochi den Sala Madonna Stephens na IPA. Tur educador y interesado ta keda cordialmente invita pa asisti na e exposicion interesante aki di nos studiantenan.